Spelar sin første kamp på nær eitt år

Mellom anna får Kenneth Udjus sin første kamp mellom stengene når Sogndal prøver å stogge rekkja med 11 kampar utan siger.

31-åringen er på lån frå Lillestrøm, men har ikkje spelt ein seriekamp sidan nest siste serierunde i fjor.

– Det er litt først og fremst fordi Kenneth er vaksen, og har stått i denne situasjonen før. Det har gått ein tid der laget gått i motbakke og vi trur Kenneth sin personlegdom og erfaring kan vere med som eitt bidrag i å lukkast i dag, seier assistenttrenar Tom Mangersnes.

Utvik og Patronen

Udjus vart henta tilbake i haust, men har til no ikkje lukkast med å utkonkurrere unge Mathias Dyngeland som sisteskanse.

– Denne endringa betyr ikkje at vi meiner Mathias har underprestert, presiserer Mangersnes.

I tillegg er Bjørn Inge Utvik og Hannu Patronen tilbake i midtforsvaret i det som kan sjåast ut til å vere ein 4-4-2-formasjon. Utvik har vore skadd og Patronen suspendert.

Nilsen og Otoo på topp

Vidare er Ulrik Flo sett inn på midtbanen. Der finn ein også Petter Strand som i vår var ein svært god spelar for Sogndal. På topp skal Tim Nilsen og Mahatma Otoo jakte scoringar i lagnadskampen mot eit FK Haugesund stinne i sjølvtillit etter sigeren over Rosenborg sist.

• LES OGSÅ: Har gjort endringar før skjebnekampen, men vil ikkje seie kva

Laget er nest sist med 21 poeng. Med Sandnes Ulf sine tre poeng mot Vålerenga fredag har også dei meldt seg på i kampen om å overleve.

(Artikkelen held fram under videoen)

Brann på kvalifisering har 23 poeng, medan dagens motstandar har 24 poeng på trygg grunn.

• LES OGSÅ: Uaktuelt at Bakke tek over no

– Vi gjer desse endringane fordi det er ting vi ikkje har vore heilt nøgde med. Vi har ikkje klart å levere det vi skal som lag, seier Mangersnes.

(Artikkelen held fram under videoen)

Vil angripe

– Kva håpar de å oppnå med desse endringane?

– At vi har eit Sogndal-lag som er i angrepsposisjon frå start. At vi angrip kampen, legg vekk konsekvenstankegangen.

• LES OGSÅ: Sogndal tapte borte mot Sarpsborg 08

– Det handlar no om å kanalisere all energi inn mot det som skal skje i dag. Vi trur den ellevaren er veldig godt rusta til nettopp det, held Mangersnes fram.

LAGET: Kenneth Udjus – Taijo Teniste, Hannu Patronen, Bjørn Inge Utvik, Logi Valgardsson – Ulrik Flo, Babacar Sarr, Rune Bolseth, Petter Strand – Tim Nilsen, Mahatma Otoo

BENKEN: Mathias Dyngeland, Christophe Psyché, Eirik Skaasheim, Joar Tryti, Tonny Brochmann, Helge Haugen, Edward Ofere