Gunvald Ludvigsen (V) - RØYND: Innbyggjarane i Eid får ein røynd varaordførar i Gunvald Ludvigsen (V). - Foto: Brit Jorunn Svanes / NRK

RØYND: Innbyggjarane i Eid får ein røynd varaordførar i Gunvald Ludvigsen (V).

Foto: Brit Jorunn Svanes / NRK

Gamleordføraren ville stå på siste-plass - så vart han varaordførar

Ordførar Alfred Bjørlo (V) får med seg partikollega Gunvald Ludvigsen som ny varaordførar i Eid når det nye kommunestyret konstituerer seg 6. oktober.

Gunvald Ludvigsen (62) var ordførar i Eid frå 2003 til 2005 då han vart vald inn på Stortinget. I perioden 1983 til 1990 var han også rådmann i same kommune.

– Med Gunvald Ludvigsen får Eid ein varaordførar med brei politisk erfaring og nettverk både lokalt, regionalt og nasjonalt, seier Venstre sin listetopp ved kommunevalet og påtroppande ordførar Alfred Bjørlo.

Stod på sisteplass

Samstundes var det aldri meininga at Ludvigsen skulle gjere comeback i lokalpolitikken. Han ville berre stå på sisteplass for å fylle lista for Venstre.

Men han fekk så mange personstemmer og slengarar at han likevel kom inn i kommunestyret.

– Dei ville ha 35 namn, og eg takka ja til å stille opp på sisteplass, sa Ludvigsen til NRK då det vart klart at han klatra til tredjeplass på lista etter valet.

– Eg ser fram til det. Eg er jo interessert i politikk, sa gamleordføraren.

V + H = sant

Ludvigsen er opphavleg frå Leirfjord i Nordland. Utdanna sosialøkonom, har 62-åringen vore banksjef i DnB og direktør ved Nordfjord sjukehus frå 1993 til han vart vald inn som ordførar.

I dag arbeider han som administrasjonssjef ved Nordfjord Psykiatrisenter.

Venstre og Høgre har gått inn avtale om eit valteknisk samarbeid i Eid.

Medan valvinnar Bjørlo & co får både ordførar og varaordførar, får Høgre eitt ekstra formannskapsmedlem og leiarvervet i det nye Driftsutvalet.

– Partia er vidare samde om å tilby Senterpartiet, leiarvervet i Samfunnsutviklingsutvalet, som er det andre av dei to hovudutvala i den nye politiske organiseringa i Eid kommune, seier Bjørlo.

Rekordval

I kommunestyresalen får Venstre 13 representantar etter rekordoppslutnaden på 44 prosent ved valet. Brit Moa blir saman med Bjørlo og Ludvigsen partiet sine representantar i Formannskapet.

Vidare er det avklara at Arild Nøstdal blir partiet sin gruppeleiar i kommunestyregruppa, og går inn i Driftsutvalet. Siv Langøen Rotevatn blir nestleiar i gruppa og går inn i Samfunnsutviklingsutvalet.

Andre plasseringar av Venstre sine representantar i utvala vil bli avklart fram mot konstitueringa 6. oktober.

NRK setter pris på at mange bidrar med meninger, erfaringer og synspunkter i kommentarfeltet. Takk for at du begrunner dine meninger og avstår fra personangrep. Innlegg som ikke følger våre regler for deltakelse kan bli slettet.

Fleire nyhende

Den tørre, fine hausten har ført til fantastiske forhold for å jakte på nordlys også her på Vestlandet.
Men nordlyset er uforutsigbart, og du må vera ivrig viss du vil fange og forevige det.
Landbruket står for 10 prosent av klima-utsleppa i Norge. No skal forskarar finne ut korleis bøndene kan få best mogleg avlingar, samstundes som ein reduserer utsleppa til miljøet.
Bøndene fryktar gardsbruk vil ende opp som hytter og fritidseigedomar når regjeringa no vil fjerne bu- og driveplikta. Hos meklarane i eigedomsbransjen er dei derimot svært nøgde.

Kvar er dette?

Kvar er dette? - Foto: Kjell Arvid Stølen / NRK
Foto: Kjell Arvid Stølen / NRK

Veit du kvar dette er? Du kan vinne Flax-lodd

Høyr sendingane våre

Gro Ravnestad - Foto: Arne Stubhaug / NRK
Foto: Arne Stubhaug / NRK

Høyr alt vi sender - direkte og i opptak

Vestlandsrevyen

Vestlandsrevyen - Foto: Marit Hommedal / Scanpix
Foto: Marit Hommedal / Scanpix

Sjå Vestlandsrevyen her