Det kan bli slutt på at lokale fagfolk og politikarar skal vurdere kva arbeid som skal gjerast for og imot rovdyr.
SER PÅ FORVALTNINGA: No skal rovviltnemndene under lupa til Miljøverndepartementet. Statssekretær Lars Andreas Lunden seier dei er i gong med ei evaluering.
Rovviltnemndene vert no evaluert av Miljøverndepartementet som betyr at dei kan forsvinne. Leiar i rovviltnemnda Noralv Distad meiner dei regionale nemndene er viktig for å sikre lokalkunnskapen.
Miljøverndepartementet har starta arbeidet med evaluere den regionale forvaltninga av rovdyra. Det kan bety slutten for dei åtte regionale rovviltnemndene landet har i dag, og staten.
– Når det gjeld den regionale forvaltninga held vi no på med ei evaluering. I dag vert rovdyra forvalta av dei regionale nemndene, og vi vil gå inn å sjå på den forvaltninga som skjer i der og samstundes sjå på dei regionale bestandsmåla, seier statssekretær i Klima- og Miljøverndepartementet Lars Andreas Lunde.
Rovdyr over grensene
Foto: BBC
Han fortel at dette er eit arbeid dei no startar i 2015 som vert fullført i 2016, og som er ein del av det rovviltsforliket som Stortinget vedtok i 2011.
– I den samanheng er det også naturleg å gå inn å sjå på rovdyr som beveger seg over grensene, og rovdyrbestanden nær grensene, seier Lunde.
Fleire bønder er fortvila etter årets beitesesong. I Indre Sogn kan 400 sau og lam vere tekne av jerv.
Rovviltnemnda i kvar forvaltningsregion har i dag ansvar for at bestandane av rovvilt vert haldt oppe på eit nivå bestemt av Stortinget. Sogn og Fjordane fylke høyrer til region Vest-Norge som òg inkluderer Hordaland, Rogaland og Vest-Agder.
Lokalkunnskap er viktig
LOKALKUNNSKAP: Rovviltnemndene er viktige å halde oppe, seier Noralv Distad i rovviltnemnda Region 1.
Foto: Noralv Pedersen / NRK
Leiar i rovviltnemnda, Noralv Distad (H) meiner det er viktig at dei lokale rovviltnemndene held fram, men kjenner ikkje til at departementet no ser nærare på forvaltninga til nemndene. Noralv Distad
– Dei sikrar god lokalkunnskap og det vert lett å halde kontakt med dei ulike interessene som knyter seg opp til både rovviltsforliket som Stortinget har fastsett og situasjonen i beitenæringa, seier Distad.
Han trur at om staten tek over og avgjerdene vert flytta lenger vekk frå dei råka områda så vil det føre til ei uheldig utvikling.
– Ein vil uansett vere avhengig av å ha nokon som jobbar med det lokalt. Eg kan ikkje sjå at det vil vere noko føremålstenleg løysing. Eg kjenner godt vår eiga nemnd og har vore i møte med fleire andre, og forstår det slik at det er viktig med lokalt skjønn og lokalkunnskap i desse sakene.
