Resultatlaust søk etter 63-åring

Ein miniubåt har heile fredag søkt etter 63-åringen som er sakna i Florabassenget etter at han fall i sjøen frå ein fritidsbåt. Men søket er så langt resultatlaust.

Søk i Florabassenget

INGEN FUNN: Korkje leitemannskap eller miniubåt har gjort funn av den sakna mannen.

Foto: Truls Kleiven

– Søket er avslutta for dagen, utan resultat, stadfestar operasjonsleiar ved Sogn og Fjordane politidistrikt, Hans Petter Harlem.

Båten «Sea Worker» kom fredag morgon til Flora og tok i 09-tida til med å søkje etter den sakna med miniubåt.

Startar opp att laurdag morgon

Standby-skipet til Gjøa, «Ocean Alden», søkte tidlegare i veka med ein ROV. Men ubåttypen som «Sea Worker» har med seg er betre eigna til å søkje i sjøen.

– Ein kjem til å starte nytt søk i morgon klokka 08. Planen er å søkje heile dagen, seier Harlem.

Mannen vart meldt sakna måndag morgon etter at han fall i sjøen frå ein fritidsbåt. Store mannskap har søkt både på land og i sjøen etter mannen.

I Sogn og Fjordane og Hordaland står nesten 130 ungdommar utan lærlingeplass.
Nahla og Assad er blant dei flyktningane som har fått ein ny start etter at dei reiste frå Syria.
Førstegangsveljarane er ettertrakta blant politikarane, men KrF har ein ekstra tøff jobb når dei kjempar om dei unge.