Meteorologen levnar ikkje lenger noko håp om at det blir ein nasjonaldag med sol og varme.
– Eg har ikkje noko kjempegod nyheit å komme med, seier statsmeteorolog for Vestlandet, Ida Marie Solbrekke.
- Les også:
- Les også:
Null håp om feil i prognosane
For dei som har hatt eit håp i hengande snøre om godvêr, så kan det skrinleggast.
– Det er byesituasjonar som vil komme innover oss. Fronten har allereie laurdag passert Vestlandet. Så regnbyene vil prege 17. mai-feiringa, med veldig kraftige regnbyer – med tore.
- Les også:
Ho forklarer at laurdag har vi eit såkalla «vêrvindauge» med opphald i regnvêret, men det er berre for at regnbyene skal få bygge seg kraftig nok opp til å komme innover land på nasjonaldagen.
– Det vil bøtte ned medan regnbya står på, men som med alle regnbyer så er det heldigvis kortvarig. Så mellom regnbyene kan det komme gløtt av sol.
Heldigvis er det liten til minimalt med vind i vente.
– På 17. mai vil det blåse ein forbigåande sørleg liten kuling på kysten. Men elles i regnbyene vil det vere ein liten frisk bris.
Treff heile fylket
På morgonkvisten 17. mai vil det komme ein front, eller eit såkalla «trog» innover Vestlandet. Men meteorologen seier det vil bli verst vêr etter klokka 12.
- Les også:
Dagen før den store dagen er det liten sjanse for at prognosane vil endre seg vesentleg.
– Det er svært liten sjanse for at det endrar seg, regnbyene kjem uansett. Spørsmålet er kor mange regnbyer det blir og kvar dei treff. Ein vil merke regnbya uansett kvar ein er i fylket, seier meteorologen.
Det er kanskje ikkje noko trøyst heller at vêret vil vere litt lettare tidleg måndag morgon. Men så vil det komme regn att måndag kveld og utover tysdagen.