Dersom småkommunar under 3000 innbyggarar vedtek samanslåing før sommaren 2016, får dei behalde tilskot dei har i dag, og slepp innstrammingar i inntektene. Ordninga skal vare i 20 år framover.
- LES OGSÅ:
- LES OGSÅ:
KS-leiar Jenny Følling, seier dette betyr store pengar for dei små kommunane også her i fylket.
PRESS MOT KOMMUNANE: KS-leiar Jenny Følling.
Foto: Oddleif Løset / NRK– Vi snakkar her om samla tilskot på opp mot 17 millionar kroner i året per kommune. Vi har jo mange kommunar som er under 3000 innbyggarar, så det er snakk om store summar i Sogn og Fjordane.
Robuste kommunar
Når kommunaldepartementet har bedt alle kommunar gå i gang med planer om å slå seg saman med andre til større og meir robuste kommunar, har spørsmålet om pengar vore eitt av dei uavklara spørsmåla. Departementet har nemleg varsla at dei vil revidere overføringa til kommunane frå 2017, og lokalpolitikarar har då lurt på om det er dagens tilskot som skal gjelde, eller om det er det nye.
- LES OGSÅ:
- LES OGSÅ:
No seier altså kommunalministeren at dei tilskota småkommunane får i dag, skal dei få behalde i 20 år dersom dei vedtar samanslåing innan sommaren 2016. Ei viktig presisering, seier Følling, men det som ser ut som ei gulrot, kan også lett virke som ein pisk på småkommunane.
– Det er klart dette blir eit ytterlegare press. I 2016 får vi vedtak på kommunesamanslutningar. Det er ein svært kort frist, som rokkar ved prinsippet som går på demokrati og involvering av innbyggarane, og at kommunane sjølve skal styre prosessen. Så eg vil tru for mange så no syns det kjem brått på
- LES OGSÅ:
- LES OGSÅ:
Det er klart at får ein eit inntektssystem som fjernar inndelingstilskota som betyr ganske mykje, opp mot 17 millionar kroner per kommune, for småkommunane, så vil dette opplevast som ei tvangstrøye, og set frivilligheite under press.
Følling meiner at om ein får eit inntektssystem som fjernar inndelingstilskota som betyr ganske mykje, opp mot 17 millionar kroner per kommune, så vil dette opplevast som ei tvangstrøye, og sette frivilligheita under press.
Pisk og gulrot
Eidordførar Alfred Bjørlo frå Venstre har lenge meint at vi må få færre og større kommunar som kan ta seg av oppgåver som blir desentraliserte frå stat og fylke. Hans første reaksjon er dagens presisering av økonomi viser at regjeringa meiner alvor.
VIKTIG AVKLARING: Ordførar i Eid, Alfred Bjørlo (V).
Foto: Asgeir Reksnes / NRK– No er ein villege til å ta ganske sterke grep i bruk for å få det til, ikkje berre pisk men også gulrot.
Han meiner regjeringa har kome med er ei viktig avklaring for mange distriktskommunar
– Ein får no sikkerheit for at det er dagens tilskot ein får behalde i 20 år, ikkje eit eller anna teoretisk tilskot i 2019-2020, og som lett kunne vore mykje lågare.
Bjørlo meiner også at den som ikkje no tar denne økonomiske gulrota, truleg får det økonomiske langt vanskelegare når regjeringa endrar inntektssystemet frå 2017.
- LES OGSÅ:
- LES OGSÅ:
– Det har ikkje blitt sagt i klartekst, men eg trur alle med eit snev av bakkekontakt rundt i Kommune-Noreg forstår at den omlegginga som er varsla i 2016, den vil gå i same retninga som omleggingane som allereie er gjort for fylkeskommunane frå regjeringa si side.
Kan ikkje sitte på gjerdet
Bjørlo ser ei kraftig dreiing i tilskota, vekk frå dei småkommunane og distriktskommunane, og over til dei store og folkerike kommunane. Det betyr igjen at kommunar som no ikkje for alvor går inn i samanslåingsprosessar kjem til å få heilt andre og trongare økonomiske rammevilkår i framtida enn dei har i dag.
– Kommunar som no sit i ro i båten og trur at verda skal bestå som i dag, viss dei held seg utanfor kommunereforma, dei tar ein stor sjanse for å seie det mildt.
I KS ser Jenny Følling det same.
– Når det står i proposisjonen at det nye inntektssystemet skal sjåast i samanheng med kommunereforma, så kan ein frykte at småkommunetilskotet og kanskje også Sør-Norgetilskotet blir sett under press, og då kan det fort bli ei økonomisk tvangstrøye.
