Det er Avisa Hordaland som fortel om prosjektet «Digitalt fortalt».
Her kan du sjølv ta ein titt.
Med andre ord kan syklistane frå august av få vite kva som er rundt neste sving, før dei rundar han.
– Så lang det har vore råd har vi brukt lokal fagkunnskap til tekstar, og fagfolk til å ta bilete, seier Tore Bjørgo i Hordaland Fylkeskommune til Avisa Hordaland.
Mellom anna bidreg professor Harald Kryvi og professor Svein Indrelid med informasjon.
– Det er strekninga mellom Rallarmuseet på Finse og Rallarvegen vidare til Flåm som er digitalisert, seier Børgo til avisa.
(Artikkelen held fram under TV-innslaget)
Finst berre tre liknande tiltak
Førebels finst det berre tre «Digitalt fortalt»-tiltak. Du kan slå opp på telefonen for å få tekst og tilhøyrande bilete.
Dermed kan du gå gjennom heile turen heime og planleggje nøye kva du vil sjå nærare på.
Vil doble talet på innslag
Innhaldet i den digitale tenesta har eit breitt historisk spenn frå steinalderen og fram til i dag. På tenesta skal brukarane kunne finne informasjon om planter og dyr, fangst, fiske, geologi, stølsdrift, fedrift, jarnbanebygging og levemåtar langs strekninga.
Det er laga 100 innslag med informasjon, men planen er at det skal komme 100 nye innslag etter kvart.