Klokka 20:23 er Strynefjellet, Hemsedalsfjellet, Hardangervidda og Haukelifjell alle stengde grunna uvêr. Strynefjellet og Haukelifjell vert ikkje opna i dag.
Det er òg stengt for vanleg trafikk på Filefjell, men her slepp tungtrafikken gjennom i kolonner inntil vidare.
I tillegg er dei mindre overgangane Tyin-Årdal, Hol-Aurland og Vikafjellet stengde. Vikafjellet vert ikkje opna i dag.
– Det var venta at me også kom til å få smake på det dårlege vêret, spesielt i fjellet i Sør-Norge, seier Tore Tysse hjå Statens vegvesen.
- Følg NRK Trafikk eller Statens vegvesen for oppdateringar.
– Planlegg ventetid
Ekstremvêret Ole er venta å treffe Nord Norge i dag. Men allereie i går melde meteorologane at det kom til å bli problem på fjellet i Sør-Norge.
– Eg ville verken planlagd ein skitur eller å passere ein fjellovergang i desse områda laurdag. Faktisk har eg ei kjensel av at enkelte i etterkant vil karakterisere det som «eit helvetes vêr», skreiv han på si Facebook-side.
Tysse hjå Statens vegvesen oppmodar folk om å planlegge for at dei kan måtte vente lenge. Vegane kan bli stengde.
– Det er meld over 20 meter i sekundet utover dagen. Vi forventar ikkje at det endrar seg til det betre, seier Tysse.
LITE BILAR: På Hemsedalsfjellet er det skikkeleg ruskevêr og vegen er stengt for trafikk.
Foto: Statens vegvesen (Webkamera)– Må du, så ta med klede, mat og vatn
Tysse vil ikkje sei at folk skal halde seg heim, men åtvarar dei som køyrer til fjells om å planlegge godt.
– Viss de absolutt må køyre over: oppdater dykk kva som er ope, og forvent at kan bli stengd. Ta med varme klede, mykje drivstoff og mat og vatn, seier Tysse og legg til:
– Ver observante når de køyrer.