På tiggarferd for å berge skule

– Det er verdt eit forsøk seier fylkesrådmann Tore Eriksen.

Bakgrunnen er at den økologiske jordbruksskulen treng 80 millionar kroner til naudsynt opprusting. Pengar som verken kommunen eller fylkeskommunen har og som staten ikkje har vore villig til å stille opp med.

Difor sender fylket no ut brev til alle tenkjelege interessentar.

• LES OGSÅ: Staten avviser både støtte og møte om hagebruksskulen
• LES OGSÅ: Kunnskapsministeren legg seg flat etter møte-glipp

– Ulike organisasjonar, bransjar og utdanningsinstitusjonar har gitt uttrykk for at dei meiner skulen må få leve. Om nokon av dei har pengar å stille opp med, det veit eg ikkje.

Lite forståing

Så langt har fylket møtte lite forståing når dei har bede staten om pengar.

• LES OGSÅ: Kunnskapsministeren legg seg flat etter møte-glipp

– Det har ikkje berre vore vanskeleg, det har vore nesten umogleg. Men det står og i fylkestinget sitt vedtak at det skal jobbast vidare inn mot sentrale styresmakter, og det arbeidet vil halde fram.

• LES OGSÅ: Venstreleiaren vil kjempe for denne utdanninga

Eriksen skulle gjerne sett at fylket hadde sloppe å gå på tiggarferd til det private på denne måten for å berge ein skule.

• LES OGSÅ: Håpar stifting kan berge skulen

– Men er nauda stor nok så gjer ein slike ting.Vi får jo ikkje noko drahjelp frå staten til slike investering det er snakk om her.

Vil be private om pengar oftare

Høgre-ordførar Noralv Distad i Aurland meiner det er uproblematisk at det offentlege tiggar pengar frå private, og meiner ein bør gjere meir av det framover.

– Eg synest ikkje vi skal vere redde for det.

– Di eiga regjeringa har vore lite villige til å sponse skulen?

• LES OGSÅ: Skjebnen til skulen er utsett - ordføraren gjev likevel ikkje opp håpet

– Eg jobbar kontinuerleg inn mot regjeringa med dette spørsmålet, og også mot representantar i Stortinget. Så dette er ei sak eg på ingen måte har gitt opp.