Resultat har auka frå 285 millionar kroner i 2013.
– Dette er historisk høgt. Vi har aldri vore så høgt. Det er grunn til å vere veldig godt nøgde, seier konsernsjef Asgeir Aase til NRK.
I ei pressemelding opplyser SFE at årsaka til det store overskotet er gevinst etter sal av kraftproduksjon i Luster, og resultatet kjem trass ei større nedskriving på kraftproduksjon i Svelgen.
Betre ordinært resultat
Det ordinære resultatet vart 103 millionar kroner, ein auke på 11 millionar frå 2013.
Kraftprisane var låge i 2014, men reduserte skattekostnadar og godt arbeid bidreg til forbetringa av resultatet, seier Aase.
– Vi har klart å oppnå gode prisar i marknaden. Vi har disponert vatnet på ein god måte og hatt god drift, seier han.
77 millionar til offentlege eigarar
Styret i selskapet har bestemt at det ordinære resultatet utgjer grunnlaget for utbytet til eigarane.
Sogn og Fjordane fylkeskommune, sju eigarkommunar og BKK får til saman 77,4 millionar kroner:
- Sogn og Fjordane fylkeskommune: 37,3 millionar.
- BKK: 29,8 millionar.
- Flora kommune: 3,5 millionar.
- Gloppen kommune/Gloppen energi: 2,6 millionar.
- Bremanger kommune: 1,9 millionar.
- Askvoll kommune: 1,1 millionar.
- Selje kommune: 1,1 millionar.
- Eid kommune: 100.000 kroner
- Naustdal kommune: 50.000 kroner.