Over 600 var samla på High Camp

Trass i skiftande vêr og stengde vegar har helga på High Camp Turtagrø ifølgje arrangøren vore ein suksess.

I år var festivalen utseld på under eitt døgn, og festivalsjef Marit Vidnes er veldig nøgd med interessa for arrangementet.

– Det er veldig hyggjeleg at fleire og fleire får lyst til å komme på High Camp. Vi har sett ei veldig stor auke i interessa for topptur, spesielt dei siste åra, og håpar endå fleire får opp augo for sporten framover.

I helga har over 600 personar vore samla på Turtagrø, og dei som har vore her har mellom anna vore med på foredrag med Aleksander Gamme, Ane Enderud og Sverre Hjørnevik, stand-up, afterski og quiz.

• LES OGSÅ: Sjå, kronprinsen på High camp!
• LES OGSÅ: Kronprinsen valde spektakulær veg

For mange var nok det utanomsportslege høgdepunket dunjakkedisko laurdag kveld, medan snøen lava ned.