– Det som skjer i Florø no, er på mange måtar dramatisk, seier Ola Teigen.
Ordførarkandidaten frå Ap er ein av mange som er uroa. Ikkje minst er politikarane i Flora uroa. Etter mange oppturar dei seinare åra har tidene skifta. Fleire av dei viktigaste arbeidsplassane i kystbyen er under press.
50 jobbar på politihuset i fare
Stortingsfleirtalet vil legge ned Sogn og Fjordane politidistrikt, det kan også gå utover Alarmsentralen i Sogn og Fjordane som lenge har vore under press.
– I alt nær 50 jobbar kan verte råka berre her, seier Teigen som enno ikkje har gitt opp kampen for politidistriktet.
- Les også:
Uvisse ved Fjord1-fusjon
Eit fylkeskommunalt sal av Fjord1 kan gjere at 90 jobbar forsvinn frå Florø. Førebels veit ingen kvar hovudkontoret til eit eventuelt samanslått selskap av Fjord1 og Norled vil ligge. Norled har i dag hovudkontor i Stavanger og kontor i Bergen og Oslo.
Førre gang Fjord1 fusjonerte, då Fylkesbaatane i Sogn og Fjordane og Møre og Romsdal Fylkesbåter slo seg saman, vart administrasjonen i Molde lagt ned til fordel for Florø.
I tillegg kan vel 20 jobbar ved skattekontoret i Florø bli flytta vekk når etaten no skal omorganisere og effektivisere.
- Les også:
- Les også:
250 arbeidsplassar på basen kan forsvinne
Også ved oljebasen mister mange jobben. Bjørn Hollevik i Flora industri og næringsforeining spår at 250 jobbar forsvinn i Flora i løpet av året som følgje av at Statoil legg ned forsyningsaktiviteten.
I tillegg vil skifte av operatør for røyrhandteringa truleg gjere at endå fleire mister jobben sin.
– Dette byrja Statoil med i rett før jul, og dei skal vere ferdige til 1. november i år. I tillegg har vi altså eit operatørskifte, seier Hollevik.
- Les også:
Både Hollevik og Teigen i Ap vil kjempe for Fjord1 sitt hovudkontor i Flora. Hollevik som også er Høgrepolitikarar og vara til Stortinget manar også til kamp for dei offentlege arbeidsplassane som hans eiga regjering har sett under press.
– Det er heilt opplagt at skal vi lykkast med auka sysselsetting, så er vi heilt avhengige av å ha tilgang på offentlege arbeidsplassar. Det forundrar meg gong på gong at den typen arbeidsplassar så lett og utan diskusjon skal flyttast til sentrale strok, seier stortingsvararepresentanten frå Høgre.