Obikwelu, som er portugisisk statsborgar, blei i 2006 den første til å vinne gull i begge sprintdistansane i eit europameisterskap sidan 1978. Han tok OL-sølv i Athen i 2004 med tida 9,86.
– Det er naturlegvis det store namnet som vi klarte å få på plass, om ikkje i 12. time, så i alle fall i 10. time. Først og fremst så blir sesongdebuten til Jaysuma Saidy Ndure enda meir interessant. Vi får fått ein som matchar han 100 prosent, seier koordinator for elitestemnet i Florø, Ståle Jan Frøynes, til NRK.
- Les også:
Francis Obikwelu har vore skada dei to siste sesongane, og Frøynes tykkjer det er ekstra stas at han vel gjere comeback-løpet sitt i kystbyen.
– Han fekk jo vite at «Jays», som han kjenner godt frå før, skulle springe. Då blei han veldig interessert i å springe i Florø, fordi det då var kvalifisert motstand i det aller første løpet, opplyser Ståle Jan Frøynes.
– Kva har duellen mellom «Jays» og Obikwelu å seie for stemnet?
– Det er liksom prikken over i´en dette. Vi har jo eit fantastisk program med nær alle dei beste norske på plass i dei ulike øvingane. Jaysuma har jo vore så suveren i Florø, og det har vore vanskeleg å finne nokon som matchar han.