Nynorsk Barne-TV på Al Jazeera

"Her er eg" kan bli send i heile Asia.

Julie Fossheim i "Her er eg"
Foto: Torje Bjellaas / NRK

"Her er eg" er ein serie som er laga ved NRK Sogn og Fjordane. Den har gått på NRK, og fleire episodar er på veg, blant anna i romjula.

SJÅ: - Skal ut i verda

No er også fleire land i Asia klare til å vise serien.

- Kven som kjem til å vise den er enno usikkert, seier Tone Rønning, leiar for eksterne produksjonar i NRK.

- Men fleire land, blant andre Kina, Qatar og Brunei har vist veldig stor interesse, seier ho.

Fossheim imponerte

Rønning har vore på kurs med representantar frå 60 land som er med i ABU (Asian Broadcasting Union), og det var her serien var vist fram.

- Julie Fossheim, som er med i serien, hausta varm applaus. Ho smelta rett og slett hjarta deira, seier Rønning.

Sjølv synst Rønning at "Her er eg" er ein framifrå serie for born.

- Eva Westvik og fotograf Torje Bjellaas har gjort ein veldig god jobb, seier ho.

Fire nye episodar av "Her er eg" skal sendast i Barne-TV i romjula.

Kommunane står overfor ein svært krevjande jobb med å få tak i nye tilsette i åra som kjem. Svært mange av dei som jobbar innan skule og omsorg er snart pensjonistar.
I dag la kunnskapsministeren fram stortingsmeldinga om framtida for høgskular og universitet. Høgskulen i Sogn og fjordane får framleis stå åleine, - enn så lenge. Men høgskulane får ei rekke nye krav kan bli tøffe å innfri.
Ferja mellom Lavik og Oppedal slit med ladinga som skulle vore på plass i januar.