Hopp til innhold

No opnar endeleg Kvivsvegen

Klokka 12 opnar den etterlengta Kvivsvegen mellom Nordfjord og Søre Sunnmøre.

Kvivsvegen

OPNINGA: Det blir opning midt inne Kvivstunnelen, på fylkesgrensa mellom Sogn og Fjordane og Møre og Romsdal.

Foto: Remi Sagen / NRK

I dag har folk heisa flagget og folk har pynta seg i bunad og dress. Sola skin og det er feststemning like før den nye delen av E39 opnar.

Det er kommunal- og regionalminister Liv Signe Navarsete som får æra av å klippe snora. Vegen blir viktig for om lag 60 000 personar i Nordfjord og deler av Sunnmøre. Mellom anna blir E39 ferjefri frå Lote i Sogn og Fjordane til Festøya i Møre og Romsdal.

– Dette er ein fantastisk milepel for denne regionen, men også for landet. For når vi utviklar ein region, så utviklar vi landet, sier Liv Signe Navarsete.

Sjølve opninga skal finne stad på fylkesgrensa mellom Møre og Romsdal og Sogn og Fjordane, om lag midt inne i den 6,5 kilometer lange Kvivstunnelen.

Det er korpsmusikk, talar og kulturinnslag. Det blir også ei kortesje med veteranbilar og bussar.

Slik ser festprogrammet ut:

  • 12.00: Velkommen ved ordførarane Arild Iversen frå Volda og Anne-Britt Øen Nygård frå Hornindal
  • Tale ved regionvegsjef Berit Brendskag Lied, Region midt og regionvegsjef Helge Eidsnes, Region vest
  • Kulturinnslag frå Volda og Hornindal kommunar
  • Kommunal- og regionalminister Liv Signe Navarsete opnar Kvivsvegen
  • Kl. 13.00: Kortesje frå opningsstaden med veteranbilar og bussar til Fyrde. Retur til Kalvatn, Lødemel, Grodås og Loen.

NRK.no oppdaterer saka med tekst, biletgalleri og video frå opninga.

Opning av Kvivsvegen
Foto: Ivar Lid Riise / NRK