Ulukka skjedde i 12-tida etter at eit motorsykkelfølgje på veg mot Lom køyrde forbi ein bil.
– Utan at vi no veit årsaka til det, skal det ha oppstått ein velt og motorsyklisten køyrde av vegen, opplyser operasjonsleiar Per Solberg ved Gudbrandsdal politidistrikt.
Tilstanden til den 60 år gamle motorsyklisten er førebels ukjend.
Vegen var ein periode stengd som følgje av ulukka.
– Pasienten er lasta om bord i luftambulansen, og brannvesenet er varsla. Vegen er mellombels stengd på grunn av luftambulansen, opplyste Solberg like før klokka 13.