Morell-sesongen over tre veker før tida

Medan pakkeriet til vanleg opnar kring 1. august, blir sesongens siste pakkedag truleg i løpet av helga. Skal du få nyte nokon av dei raude freistingane frå Lærdal, må du vere om deg.

– Den ekstreme varmen har drive fram morellane i rekordfart. Dei siste blir pakka rett over helga og så er sesongen over for Lærdal sin del, seier, seier Mark Brooks i Lærdal Grønt.

I fjor fekk dei rekordavlingar, men slik blir det ikkje i år. Samstundes som sol og varme har skunda fram sesongen, gjorde tidleg nattefrost stor skade på morellavlinga.

Enkelte hagar fekk store skadar på grunn av frosten som kom natt til 1. mai.

– Vi kjem til å få ein avgrensa produksjon på litt over 150 tonn. Vi har plantar i Lærdal som tilseier at vi kunne levere 250–300 tonn, seier Brooks.

• LES OGSÅ: Frosten var det fruktbøndene frykta mest - no kan tonnevis med moreller gå tapt
• LES OGSÅ: Morellbønder har mista ein fjerdedel av avlinga etter frostnetter