Midttun Lie til Sogndal

LSK-spelaren Jon Midttun Lie har bestemt seg for å spele på Sogndal.

Jon Midttun Lie scoret Starts 3-0 scoring
Foto: Poppe, Cornelius / SCANPIX

Overgangen frå Lillestrøm Sportsklubb (LSK) til Sogndal skjer umiddelbart, og Jon Midttun Lie blir leigd ut til Sogndal ut året.

Meir speletid

- Eg har vore veldig lite involvert i spel i Lillestrøm så langt i år, og eg er mest interessert i å spele fotball. Sogndal har vist interesse ei tid, så eg bestemte meg for å prøve Sogndal eit år, seier Jon Midttun Lie.

- Blir det ikkje eit sportsleg tilbakesteg å gå til Sogndal?

- Kamptilbodet mitt blir mykje betre, så det er heller ein opptur slik det ser ut no, seier han.

28-åringen hadde tilbod frå fleire klubbar, og måndag kveld bestemte han seg for å spele på Sogndal.

- Eg gler meg veldig til å trene med laget, seier han.

Styrkar laget

Sogndal-trenar Karl Oscar Emberland seier Jon Midttun Lie blir ein styrke for laget.

- Han er ein spelar som vil gjere oss sterkare totalt sett, både i treningsarbeid og i kamparbeid. Dette er ein god dag for oss, seier Emberland.

- Kor god er eigentleg denne spelaren som ikkje får plass på Lillestrøm?

- Vi hentar ein spelar som har tippeligaerfaring frå Sandefjord, Start og Lillestrøm. Han spelte mange kampar for Lillestrøm i fjor, seier Emberland.

Cruisepassasjer nummer to million steig i dag i land i Flåm. Sidan djupvannskaiein blei bygd for 16 år sidan, har passasjertalet auka kraftig i den vesle bygda. Da lokala havnevesenet e stolte over milepælen, men vil no avgrensa trafikken.
Mannskapet om bord på batteriferja Ampere er lei hets og negative kommentarar. På da verste var sjikaneringa så ille, at det gjekk utover arbeidsmiljøet.
Ein mann i 60-åra blei funnen død i ein kommunal bustad i Flora kommune sist fredag. Mannen skulle hatt regelmessig tilsyn, men har truleg lege død i minst ein månad før naboar varsla om vond lukt.