Ved utgangen av juni var det registrert 54 fleire arbeidsledige enn på same tid i fjor. Ein auke på seks prosent.
– Auken fordelar seg på ulike bransjar og vi kan framleis ikkje sjå at problema i oljesektoren nasjonalt har særleg innverknad på utviklinga i vårt fylke, seier Knut Steinar Eitungjerde, assisterande direktør i NAV Sogn og Fjordane i ei pressemelding.
- Les også:
Dystre tal i fylka sør for oss
I nabofylka sør for oss har nedgangen i oljebransjen ramma langt hardare. I Rogaland og Hordaland held den negative utviklinga fram, med ein auke på høvesvis 55 og 20 prosent held fram. Auken er størst innan ingeniør- og IKT- faga knytt til oljesektoren.
ANNLEIS-FYLKET: Sogn og Fjordane har så langt blitt lite påverka av problema i oljesektoren, konstaterer NAV-sjef Knut Steinar Eithungjerde.
Foto: Eli Eikenæs Vengen / NRKSogn og Fjordane sin mest olje-tunge kommune, Flora har ein registrert auke på 59 ledige personar i høve til juni i fjor.
Fleire oljerelaterte verksemder har kutta i talet på tilsette, andre har varsla kutt. Men trass i at om lag 2500 av jobbane i Florø er offshore-relaterte, kan ikkje Nav sjå at det er oljekrisa som har skulda for auken.
– Dette er fordelt på mange ulike bransjar utan at industri utmerker seg negativt.
- Les også:
- Les også:
Fleire nye stillingar
Til saman 1045 personar i Sogn og Fjordane var ved inngangen til juli heilt utan arbeid. Det utgjer 1,8 prosent av arbeidsstyrken og er lågast i landet.
På landsnivå er det 77 310 heilt ledige i juni, tilsvarande 2,8 prosent av arbeidsstyrken. Dette er ein auke på 5 prosent frå juni i fjor.
I prosent er det flest ledige i Selje med 4,1, Flora har 3,7 og Vågsøy 3,2. I den andre enden av lista finn vi Leikanger og Aurland med 0,4 prosent.
Bygg og anlegg, og ingeniør- og ikt-fag har størst auke i arbeidsløysa.
I juni var det 100 heilt permitterte i Sogn og Fjordane som er det same som i juni i fjor. Det vart registrert 497 nye stillingar, 150 fleire enn i juni i fjor.
- Les også:
- Les også:
