SISTE: Politiet melder klokka 22.10 at mannen er omkomen.
– Han vart erklært død på staden, seier operasjonsleiar Trond Hatlenes i politiet i Sogn og Fjordane til NRK.
Politiet vil ikkje gå nærmare inn på kvar i kommunen mannen vart funnen, av omsyn til pårørande. Politiet gjennomfører søndag kveld undersøkingar på staden.
– Vi snakkar med dei som fann mannen, og fekk han på land, seier Hatlenes.
Det er på noverande tidspunkt ikkje mistanke om at det har skjedd noko kriminelt.
– Ingenting tydar på noko kriminelt, men politiet gjennomfører samtalar og undersøkingar, noko som er rutine i slike saker, seier operasjonsleiaren.
Funnen livlaus ved bryggje
Politiet fekk inn meldinga klokka 21.
– Personen vart funnen livlaus i vatnet ved ei bryggje, sa Hatlenes rundt klokka 21.45.
Både politiet, ambulansepersonell og ein luftambulanse rykte ut.
– Personen er no på land. Og det er starta hjarte- og lungeredning av ambulansepersonell, sa Hatlenes.