Utdelinga vart møtt med solide trampeklapp og jubel, går det fram i ei pressemelding.
– Nokre gonger dukkar det opp slike folk som gjer at vi nynorskingar rettar ryggen og seier «sjå, han eller ho er ein av oss». Folk som er både kule og morosame på eine sida, men som med djupt alvor argumenterer for nynorsk når dei vert intervjua i aviser og blad. Årets målprisvinnar er ein slik person, sa Håvard B. Øvregård, leiar i Noregs Mållag.
- LES OGSÅ:
Frå utskjelt til populær
Dette var ein del av grunngjevinga for pristildelinga frå styret i Noregs Mållag. Det vart også argumentert med at Eide er uløyseleg knytt til dialekten si og nynorsken.
– Ho er, trass i at ho har budd i Bergen i mange år, best kjend som vossing. Ho har vore nynorskprosenten på laurdagskvelden, og ho har formidla kvinneliv på Voss gjennom mor si. Ho har gått frå å vere utskjelt for nynorskbruk i NRK Hordaland til å verte ein populær tv-journalist i beste sendetid, på vossamål og på nynorsk. Utan slike einskildpersonar som ikkje er redde for å dra fram dialekten si og nynorsken i ålmenta slik at alle kan sjå, og høyre, hadde ikkje alle vi sete her, sa Øvregård.
- LES OGSÅ:
Fremjar nynorsken
Sidan 1990 har ho vore programmedarbeidar i fleire avdelingar i NRK, mellom anna i NRK P3 sidan opninga i 1993, i Norgesglasset på NRK P1 frå 1998 og i NRK Fjernsynet. Sist sett i «Norsk attraksjon» i beste sendetid på laurdagskveldane. Etter å ha ringt mor si i ti år for å grave etter gamalt nytt, og skrive om det, kom i fjor boka «Oppdrag Mottro».
- LES OGSÅ:
– Årets Målprisvinnar skreiv som ung journaliststudent oppgåve om nynorsk på journalisthøgskulen, og ho har i intervju fortalt om korleis det var å bli fortalt at ein skulle snakke bokmål i austlandssendinga og å få telefonar med kritikk for nynorskvalet frå lyttarar. Dei fleste av oss ville vald å bøye av, står det i pressemeldinga.