Lastebil med sprengstoff velta

Ein lastebil lasta med sprengstoff velta på E39 i Årdal i Jølster i 9.30-tida i dag.

Lastebil velta på E39 i Jølster

PÅ SIDA: Lastebilen la seg på sida utanfor vegbana.

Foto: NRK-tipsar

Politibetjent Agnar Bøyum ved Jølster lensmannskontor stadfestar at dei har fått melding om uhellet.

– Vi har fått beskjed om at det ikkje er fare for at sprengstoffet skal eksplodere, men vi rykker ut for å sjå nærare på det.

(Artikkelen held fram under biletet).

Lastebil med sprengstoff velta på E39 ved Årdal i Jølster

I GRØFTA OG UT: Bilen er lasta med sprengstoff.

Foto: Knut Osvoll

På operasjonssentralen til Sogn og Fjordane politidistrikt får vi opplyst at det var ein person i lastebilen, og at vedkomande skal ha kome seg uskadd ut av bilen.

Det var i alt to tonn sprengstoff på bilen. Det skal no lastast over på ein annan bil som er på veg til Årdal.

Det skal ikkje ha kome nokon bil i mot då uhellet skjedde, bilen har kome for langt utpå kanten og fått høgre framhjulet i grøfta.

NRK ANBEFALER

Eit musikalsk vandreteater ute på vakre, men veirharde Grotlesanden har premiere i dag.
Anleggsmaskiner, buskas, søppel og vedhogst ligg slengt på det som er tennisbaner finansiert av staten sine pengar. No får kommunen svi på pungen.
Spa og veggmaleri blir den nye kvardagen for nokre heldige kyr i Førde. Ekteparet som står for gardsdrifta har brukt 10 millionar for at alle skal ha det betre.