– Når eg tar opp stjerner på film, brukar eg to timar på å ta opp 10 sekund, forklarar 21-åringen.
I 2013 laga Iver Heen Ask «Prosjekt Gloppen», ein naturfilm frå heimkommunen. Etter å ha vist filmen på kino og på lokale filmfestivalar med gode tilbakemeldingar, fekk han meirsmak til å fortsette. No er han klar med «Prosjekt Nordfjord».
- LES OGSÅ:
- LES OGSÅ:
200.000 bilete
På nyåret 2014 bestemte han seg for å lage ein ny naturfilm, denne gongen med bilete frå heile Nordfjord. Då var det tilbake i telt og lange netter bak kameraet.
Med over 200.000 bilete, og 10 timar med video er det eit stort prosjekt i seg sjølv å sette det saman til ein film – også kalla «timelapse».
– Det vert mykje bering av utstyr, og når eg har sett kamera på, må eg vente i ganske mange timar før eg pakkar saman og reiser heim att, fortel den ivrige fotografen.
Dette vert ein poetisk dokumentar som skal vise alle dei sju kommunane i regionen.
(Artikkelen held fram under videoen)
Sjå filmtraileren:
Variert landskap
Frå Kråkenes heilt i nordvest, til Stryn inst i fjorden får vi sjå eit breitt spekter av variert natur. Med eit budsjett på 160 000 har Heen Ask vore rundt i heile Nordfjord for å ta bilete og videoar med dei mest utrulege motiv.
– Vi har eit veldig variert landskap, så det har vore viktig å kome seg rundt for å besøke alle kommunane. Det er heilt enormt kor mykje det kan variere innafor ein kommune, men det er også spesielt å sjå variasjonane mellom kysten og innlandet, fortel han.
Han har også hatt mange fjellturar der han har prøvd å dekke dei største og mest karakteristiske toppane Nordfjord har å by på.
- LES OGSÅ:
Vil leve av film
Filmskaparen driv medieverksemd på fulltid og satsar på å kunne leve av dette i framtida.
– Det som er målet mitt er å kunne leve av dette, av å drive mediebedrift, men også det kunstneriske, det å kunne treffe folk sine kjensler gjennom filmen, seier han.
No er det berre klipinga som står att før filmen vert vist på kino i heile Nordfjord i november.
Sjå den førre filmen til Iver Heen Ask, «Prosjekt Gloppen»: