Klart for privatskule i Kjølsdalen

Det stadfester styreleiar Ove Kjøllesdal overfor Fjordabladet.

– Vi hadde ei god kjensle, men var likevel litt spente.

Initiativtakarane til ein privat montessoriskule har tidlegare sagt at dei måtte ha 25 elevar, men aller helst 30 for å kunne starte. No er det 32 skriftlege påmeldingar, skriv avisa.

• LES OGSÅ: – Dette er ein tung dag for oss
• LES OGSÅ: Skulen i Kjølsdalen blir lagd ned

Kjølsdalen krins har 33 skulepliktige barn. Ein god del av påmeldingane kom dei siste dagane før påmeldingsfristen 28. februar.

No inviterer skulen andre elevar frå både Eid og nabokommunane til å gå i Kjølsdalen.

Kjølsdalen Montessoriskule har forhandla fram ein avtale med Eid kommune om å få kjøpe skulebygningen for 750.000 kroner. Denne avtalen er enno ikkje politisk godkjend.