– Det er kjempefint at dei har sett inn ekstra ferje. Vi kom akkurat når dei la ned bommen på førre ferje og då er det kjekt å vite at det ikkje er lenge til neste, seier Lindy Vilnes.
For første gong på 20 år har ho i år droppa den tradisjonelle kystpåska til fordel for ein utanlandstur.
– Vi skal i år til Puerto Rico.
– Korleis blir det då med påskestemninga?
– Det reknar eg med det blir, og elles har vi med både påskeegg og krim i kofferten, seier ho.
Tidlegare år har det gjerne oppstått køar og langt venting, i år har Norled vore føre var.
– Vi har sett inn fire ferjer, slik at vi kan ta unna trafikken seier kaptein Knut Skår.
Med ei fjerde ferje i sambandet går det no berre 15 minutt mellom kvar avgang, mot 20 minutt til vanleg. Så langt har flyt trafikken godt utan venting. Det reknar Skår med den kjem til å gjere også ut over kvelden.
– Vi skal klare å halde unna trafikken, eg trur ikkje noko kjem til å oppleve å måtte stå i kø på land.