Weum var åtte gonger norsk meister på 110 meter hekk, han vart nordisk meister i 1963, og i OL i Mexico i 1968 kom han til semifinalen.
I 1967 fekk han Kongepokalen etter å ha sett ny norsk rekord på 13.7 under NM. Den hardaste norske konkurrenten hans var naustedølen Håkon Fimland.
I det sivile var Weum politimann. Han var lensmannsbetjent i Luster i mange år og lensmann i Sogndal. Han engasjerte seg også politisk i Senterpartiet og vart i 2003 vald til varaordførar i heimkommunen.
- Les også:
Ordførar Ivar Kvalen seier at folk i Luster i tillegg til idrettskarrieren vil hugse Kjellfred Weum som ein stødig og ryddig person som alle hadde stor respekt for.
