Både Tarjei og Johannes på landslaget

Johannes Thingnes Bø frå Stryn er teken ut på seniorlandslaget i skiskyting. 18-åringen er ein av dei yngste som har fått plass på landslaget.

Johannes Thingnes Bø
Foto: Ole Kristian Stoltenberg / SCANPIX

Det var i går han fekk beskjeden om at han er utteken. Han trudde knapt det han høyrde, fortel han til vg.no .

– Det har ikkje gått opp for meg. Det var ein artig beskjed å få sjølv om eg vurderte det som heilt urealistisk at dei skulle satse på meg no. Men eg er audmjuk over å ha fått ein slik sjanse. Eg kjenner meg priviligert.

– Aldri hoppa så mykje

Til NRK seier Johannes Thingnes Bø at han ikkje hadde rekna med å kome på seniorlandslaget før i 2015.

– Eg spurde han som ringde frå forbundet minst ti gonger om det verkeleg var sant. Eg har aldri hoppa så mykje som eg gjorde då. Det var ein overraskande beskjed å få. Eg reknar med at dei tenkjer litt langsiktig.

No blir han lagkamerat med broren Tarjei Bø .

(Artikkelen held fram under biletet).

Tarjei Bø

FÅR BROREN PÅ LAGET: Tarjei Bø.

Foto: Larsen, Håkon Mosvold / Scanpix

Håvard Gutubø Bogetveit frå Førde er teken ut på juniorlandslaget i skiskyting.

Cruisepassasjer nummer to million steig i dag i land i Flåm. Sidan djupvannskaiein blei bygd for 16 år sidan, har passasjertalet auka kraftig i den vesle bygda. Da lokala havnevesenet e stolte over milepælen, men vil no avgrensa trafikken.
Mannskapet om bord på batteriferja Ampere er lei hets og negative kommentarar. På da verste var sjikaneringa så ille, at det gjekk utover arbeidsmiljøet.
Ein mann i 60-åra blei funnen død i ein kommunal bustad i Flora kommune sist fredag. Mannen skulle hatt regelmessig tilsyn, men har truleg lege død i minst ein månad før naboar varsla om vond lukt.