Fabrikksjef ved Hydro i Årdal Arne Werge-Olsen forsikrar likevel at situasjonen ikkje er dramatisk.
På grunn av nedgang i ordretilgangen gjorde hjørnesteinsverksemda i Årdal tilpassingar både på tampen av 2011 og i januar i år.
– Dette har vi løyst gjennom å ta ut restferie og fleksidagar, slik at det ikkje har vore snakk om permitteringar ved Hydro i Årdal førebels, seier han til Sogn Avis.
– Ser «greitt» ut
Også verket i Sunndal må kutte i produksjonen som følgje av sviktande etterspurnad.
Til avisa strekar Werge-Olsen under at 2011 vart eit godt år for verket i Årdal. Han meiner at første kvartal 2012 også ser greitt ut når det gjeld produksjon av valseblokker.
– Det er heilt klart ikkje ønskjeleg å ta ned produksjonen, problemet er at marknaden er ustabil, seier han til avisa.