Dermed fekk delegasjonen frå Sogn og Fjordane Høgre gjennomslag for sitt syn etter møtet i hovudstaden i går.
– Det er ei sak vi har jobba med lenge i Sogn og Fjordane Høgre, og vi er glade for at argumenta våre vart lytta til, seier politikar i Florø, Bjørn Hollevik (H).
- Les også:
- Les også:
Ønskjer å unngå strukturdebatt
Samferdsledepartementet skal snart fastleggje spelereglane for den komande anbodsrunden til flyplassane i Sogn og Fjordane.
At anbodsregimet held fram som i dag, er avgjerande for å unngå ein ny strukturdebatt rundt flyplassane i fylket, trur Hollevik.
– Skulle vi no ha lagt opp til ei kommersialisering av rutenettet i Sogn og Fjordane, så ville det ha vore ei bakdør inn i ein strukturdebatt som vi ikkje er budde på å ta. Den debatten må vi ta i ryddige former, og ikkje late den segle inn frå sidelinja, seier Hollevik.
- Les også:
I tillegg fryktar han at ei kommersialisering no, ville ha kunne ført til konkurransevriding, då kommersialiseringa kunne ha kome på nokre flyplassar, mens andre ikkje.
Tek ikkje sigeren på forskot
Førdeordførar Olve Grotle (H) er samd med partikollega Hollevik.
– Skulle ein no ha endra anbodsreglane og opna for kommersialisering, så ville det vere å forskottere ein strukturdebatt om flyplassane som Avinor har sagt vil komme, seier han.
- Les også:
Høgre har no vald standpunkt, men det er eit stykke fram til reglane for anbodsprosessen blir vedteke i Samferdsledepartementet. Difor vil ikkje dei to høgrepolitikarane ta sigeren heilt på forskot.
– Det står framleis att å sjå om regjeringa følgjer det rådet som fraksjonen til det største regjeringspartiet no har gitt, seier Grotle.