Mista lappen etter 131 km/t

Ein bilist mista førarkortet etter at han vart målt til 131 km/t ved Sagefloten i Gloppen.

Det var utrykkingspolitiet som laurdag ettermiddag målte farten i 80-sona mellom Sandane og Reed.

I alt tre bilførarar mista førarkortet, men føraren i 131 km/t hadde høgast fart. I tillegg fekk tre førarar forenkla førelegg for høg fart.

Mistanke om promille

Den same UP-patruljen hadde også promillekontroll på Sandane i morgontimane. Ingen av dei 150 førarane fekk utslag på utandingsprøva. Derimot blir det oppretta sak på ein førar utan gyldig førarkort. Ein bilist fekk bilbeltegebyr, medan ein fekk pålegg om å utbetre manglar.

I Balestrand er ein mann i 40-åra mistenkt for å køyre bil med promille under 0,5. Mannen vart teken med til blodprøve. I alt 26 bilførarar vart kontrollerte i kontrollen.

Førstegangsveljarane er ettertrakta blant politikarane, men KrF har ein ekstra tøff jobb når dei kjempar om dei unge.
For unge spelarar, kan møtet med norsk toppfotball vera tøft. Det fekk Peter Aase erfara forrige gong han prøvde seg i sogndaldrakta.
Vik fengsel markerte i dag at det er 150 år sidan dei opna dørene. Men bursdagsgåva fengselssjefen har mest lyst på, let framleis vente på seg.