Brit Siv Fimland er mellom desse. Måndag denne veka gjekk ho saman med vener via Lundeskaret til Søgnesandsnipa over Kjøsnesfjorden i Jølster, 1548 meter over havet.
– Kontrastane i naturen er flotte på denne tida, og når det ligg att såpass mykje snø som det gjer i år blir det flotte turar.
(Artikkelen held fram under biletet).
DETTE ELSKAR HO: På veg til topps.
Foto: privat
Brit Siv Fimland har brukt toppturane på ski som ein viktig del av kampen sin mot kreft.
- LES OGSÅ:
Planlegg ein tur i juli og
Men ho er ikkje åleine om å elske toppturar på ski så høgt at dei sveittar seg til topps med tunge ski og sko medan andre ligg rett ut i varmen i låglandet i juni.
– Vi er ein gjeng som går i lag, den forrige turen var til Sandfjellet mellom Angedalen i Førde og Naustedalen, og så har vi vore fleire turar på Grovebreen.
TUNGT, MEN FLOTT: På veg opp på Sandfjellet.
Foto: Brit Siv Fimland(Artikkelen held fram under biletet).
Og dei har planar om ein tur i juli og.
– Det blir anten Kvitefjell på sørsida av Jølstravatnet eller Storehesten.
Men Brit Siv er ikkje så hekta på toppturar at ho ikkje får med seg låglandsaktivitetar. Då nrk.no snakka med henne var ho på veg til ein padletur.
FRISK UNNAKØYRING: Her får dei løn for strevet i motbakkane.
Foto: Brit Siv Fimland