Eit steinsprang knuste i morgontimane halvparten av eit skjul som står ved vegbana. Steinblokka gjorde også at ein straumkabelen hang lågt over vegbana.
Steinen skal ha halde fram ferda i fjorden, men vegen er no stengd ved Åsaskjeret på grunn av opprydding.
(Artikkelen held fram under biletet)
– Den heng kring tre meter over vegen. Vi er i gang med å rette opp att kabelen, men vi høyrer det rasar framleis oppe i fjellsida, fortalde Kjetil Remme ved Sogn og Fjordane Energiverk til NRK i 0930-tida.
Det var passasje for mindre køyrety, men vegtrafikksentralen i Lærdal opplyser at det ikkje var passasje for større køyrety.