- Dette laget hadde bite godt frå seg i eliteserien 2011. Dette er rett og slett eit kjempelag, seier Sogndal-ekspert Jon Navarsete.
Saman med NRK har den tidlegare Sogndal-stopparen lansert ein bråte spelarar til dei ulike posisjonane på tidenes Sogndal-lag.
- LES OGSÅ:
I dag vart det klart at Svein Bakke og Tore André Flo som spissar kompletterer laget.
Dette er tidenes Sogndal-lag:
Dette er dei elleve spelarane som med på laget, med Jon Navarsete sine kommentarar:
- KEEPER: Terje Skjeldestad. Solid sisteskanse i mange sesongar, måtte gje seg tidleg på grunn av skade.
- HØGREBACK: Petter Melchior. Populær spelar, som alltid gav 100 prosent. Lagspelar av dei sjeldne. Var med i den første perioden då SIL gjorde seg gjeldande i eliten.
- MIDTSTOPPAR: Asle Hillestad. Ein bauta og ein krigar i Sogndal si historie. Ingen tvil i avstemminga blant lesarane.
- MIDTSTOPPAR: Arild Førde. Ein annan type enn Hillestad. Ingen duellspelar - men ein smarting av dei sjeldne.
- VENSTREBACK: Gunnar Sigmar Håre: Snillaste guten i klassen, men den verste tigeren på ei fotballbane. Alle kvidde seg for å møte han.
- HØGREKANT: Knut Christiansen. Ein tøffing på bana. Du fekk merke at det var fotballkamp på gang når du møtte han...
- MIDTBANE: Atle Torvanger. Elegant og flott spelar på både Sogndal og Brann. Hadde store kvalitetar.
- MIDTBANE: Rune Buer Johansen. Ein spelar det ikkje var lett å stoppe. Var overalt. Stor kapasitet.
- VENSTREKANT: Tommy Øren. Kunne levere det uventa, og markerte seg som ei uortodoks spelar i ung alder.
- SPISS: Svein Bakke. Spiss av internasjonalt format.
- SPISS: Tore André Flo. Uortodoks spelar, med ei stor internasjonal karriere.
Les alle dei tidlegare sakene i kåringa i margen til høgre.
- Spissane det svakaste leddet?
I føremiddagssendinga var Svein Bakke med som gjest, då laget vart presentert for radiolyttarane.
- Dette var veldig kjekt. Eg var litt spent, det var mange gode konkurrentar. Så det er triveleg å få bli med i denne gjengen, seier Bakke.
- Eg har spelt med dei fleste på laget, konkluderer han.
- Kor godt er eigentleg dette laget?
- Eg synest midtbana er bra samansett, og det er backrekka også. Det er kanskje meg og Tore André som er det svakaste leddet - kanskje er vi litt for like, spekulerer Bakke.
- Kva meiner du om dette laget? Kor godt kunne dei ha gjort det i eliteserien? Sei di meining i kommentarfeltet nedst på sida.
Det er no under ei veke til Sogndal igjen er tilbake i eliteserien, og tidenes Sogndal-lag manglar no berre ein trenar. Han kan du bli med og stemme fram her:
