Ambulansearbeidar sovna på jobb

Den kvinnelege ambulansearbeidaren skal ha vore uopplagd, fjern, ustø og ute av stand til å følgje med i samtalen.

Slik karakteriserer Statens helsetilsyn tilstanden ein ambulansearbeidar var i då ho møtte på jobb i fjor haust. Seinare på vakta skal ho rett og slett ha sovna midt under ein samtale, skriv bt.no.

Kvinna, som er utdanna hjelpepleiar, måtte slutte i Helse Førde. No har ho fått ei formell åtvaring for brot på helsepersonellova.

Det var etter ei vakt i februar 2011 at Helse Førde fekk nok av den tilsette. Mellom anna skal kvinna, ifølgje fleire kollegaer, ha sovna på vakt.

Rota med medisinering

Ho skal heller ikkje ha møtt fram i tide ved hasteoppdrag. På oppdrag med ei fødande kvinne i ambulansen skal kvinna ha forveksla storleikane milligram og milliliter, og var ikkje sikker på kor mykje ho skulle gje pasienten av medikament.

Men det var ikkje første gongen ambulansearbeidaren hadde oppført seg klanderverdig på jobb.

I ei tidlegare tilsynssak konkluderte Statens helsetilsyn med at kvinna hadde oppført seg så aktlaust at det også då var grunnlag for å gje henne ei åtvaring.

Den gongen meinte Helsetilsynet mellom anna at kvinna gav urette opplysningar til dei, og at ho heller ikkje hadde ført rette opplysningar inn i ein pasientjournal.

Har handla uforsvarleg

Denne saka drog så langt ut i tid at kvinna slapp den formelle reaksjonen.

På bakgrunn av mellom anna den siste saka, sa Helse Førde opp kvinna 10. februar, men kvinna tok då ut stemning mot arbeidsgjevaren og kravde stillinga tilbake.

24. juni i fjor kom partane til semje om at oppseiinga var ugyldig, på vilkår av at kvinna sjølv sa opp.

No har Helsetilsynet gjeve kvinna ei formell åtvaring på grunnlag av dei same forholda. Dei slår fast at kvinna ikkje var skikka til å møte på jobb den aktuelle vakta, at ho ikkje har gjeve ei truverdig forklaring på forholda, og at ho har handla i strid med det medisinsk forsvarlege.

Han har allerede sunge seg inn i hjarta til mange unge jenter, men snart kan det bli fleire. På lørdag står 12 år gamle Aksel Hauge Vedvik på scenen i finalen av Melodi Grand Prix-junior.
Her kan du sjå utdrag frå den spennande handballkampen mellom Førde og Fjellhammar, der Førde måtte vinne med fire lag for å spele omkamp. Viss Fjellhammar vann med 5 mål, rykka dei opp utan omkamp. Førde tapte med fem mål....
Hallvard Egelandsdal Husum (7) i Sogndal er truleg landets yngste butikksjef.