Gudvangarapport: Kjem snart. Eit halvt år for seint.

Det har gått halvtanna år sidan vaksne og born kjempa sin livs kamp under ein brann i Gudvangatunnelen. Statens havarikommisjon for transport (SHT) skulle ha levert sin granskingsrapport i august i fjor.

Fyrst i februar – seks månader på overtid – er rapporten klar.

• Les også: Her er kameratgjengen midt i branninfernoet
• Les også: Her er dei første bileta frå innsida av tunnelen

66 i røykinferno

– Dette er komplisert sak med mange involverte trafikantar og etatar. Arbeidet med å få fram fakta og å handsama dette har vore omfattande, seier avdelingsdirektør Rolf Mellum.

5. august 2013 blei 66 menneske fanga inne i den 11,5 kilometer lange Gudvangatunnelen då eit vogntog byrja å brenna. SHT har intervjua litt under halvparten av desse.

Fleire gjekk to-tre timar tilbake til Gudvangen i mørke og i giftig røyk for å berga livet, som Britt-Linda Klausen. Då NRK snakka med henne for eit år sidan, kunne ho ikkje forstå kvifor naudetatane, som stod klare utanfor tunnelmunningen i Gudvangen, ikkje kom inn i tunnelen for å redda dei.

• Les også: Kjempa sin livs kamp i branntunnelen - men ingen kom inn for å berga dei
• Les også: Blei verande i bilen under tunnelbrannen - slapp unna alvorlege røykskadar

Seinskader

Mange har fått seinskader og sit med spørsmål som dei ikkje har fått svar på: Kvifor fanst det ikkje brannsikre rom med oksygenmasker i ein av Norges lengste tunnelar? Kvifor blei viftene i taket snudd, slik at den livsfarlege røyken plutseleg kom veltande over dei?

– Dette er sentrale spørsmål for granskinga, men eg vil ikkje kommentar konklusjonane for rapporten er klar, seier Mellum.

• Les også: Brannvesenet snudde røyken mot bilistane
• Les også: Hostar svarte sotklumpar fem månader etter branninfernoet

Oslofjordtunnel-brannen

Brannen i Gudvangatunnelen skjedde vel to år etter brannen i Oslofjordtunnelen. Der blei 34 trafikantar fanga i røykinferno då eit vogntog tok fyr.

SHT har granska brannen i Gudvangatunnelen i lys av brannen i Oslofjordtunnelen. Det har gjort undersøkinga meir inngåande og omfattande, seier Mellum.

• Les også: Vogntog tok fyr i Oslofjordtunnelen
• Les også: Får kritikk etter brannen i Oslofjordtunnelen

– For seint

I Aurland kommune har ordførar Noralv Distad (H) evaluert brannen i Gudvangatunnelen. Han har i lag med Fylkesmannen i Sogn og Fjordane fleire gonger samla alle etatane og kommunane som var involverte.

Ordføraren er glad for at SHT granskar grundig, men tykkjer 18 månader er for lang tid:

– På generelt grunnlag er det avgjerande at undersøkingar ikkje trekkjer ut i tid. Skal me trekkja lærdom og gjera endringar, må ulukka vera langt framme i pannebrasken til kommunen, Statens vegvesen, brannvesen politiet og andre. Det er difor uheldig at det blir for stor avstand til hendinga.

• Les også: Forstod ikkje eitt ord av henleggelsbrev – politiet tek sjølvkritikk