– Mykje av det fine vêret frå søndag held fram måndag. Det blir det ganske fint vêr, seier statsmeteorolog ved Vêrvarslinga for Vestlandet, Trond Thorsteinsson.
På store delar av Vestlandet er det haustferie i veke 41, kommande veke. Dei kan sjå fram til ei veke med fint haustvêr.
Sjekk ditt lokale vêrvarsel på yr.no!
– Viss ein ser litt stort på det så ser veka under eitt ut til å bli ganske tørr. Det kjem noko nedbør, mest mot slutten av veka. Men det blir nok mykje bra vêr, men med nokre grå dagar mellom.
EIN HUND ETTER TUR: Aro likar seg i skog og mark.
Foto: Tone Lin Støfring Skovro / NRK- Les også:
Mange slit med å finne på ting å gjere i haustferien, men med fint vêr er det ein ypparleg sjanse til å stikke til skogs eller ta årets siste sykkelekspedisjon.
– Det blir periodar med veldig mykje fint vêr, det er vel kortversjonen, seier Thorsteinsson.
