Det spørst om det finst andre norske verksemder som har betre marginar og like mange av verdas gigantselskap som kundar enn det vesle IT-firmaet i Vik, skriv Finansavisen.
Avisa skriv at Highsoft no har 59 av verdas største verksemder på kundelista si. Her finn vi mellom andre Facebook, Visa, Twitter, Mastercard, Citi, Ericsson, Petrobas og AT&T.
Highsoft har utvikla eit program som gjer det enkelt å lage grafar og diagram og publisere desse på internett.
Dei selde i fjor lisensar for i underkant av 31 millionar kroner. Det gav eit overskot på heile 23,9 millionar – ein resultatgrad på over 75 prosent.
No har Highsoft null gjeld, og eigarane har fått tilbod om både kapital og å selje verksemda.
– No har vi ikkje behov for kapital. Vi har ein intensjon om å skape noko meir, og gjerne etablere fleire arbeidsplassar her i Vik. Enn så lenge blir vi nok her, seier dagleg leiar Grethe Hjetland til Finansavisen.
- LES OGSÅ:
- LES OGSÅ:
- LES OGSÅ:
Sjå TV-sak om Highsoft: