Grunneigarane står fast på sitt

Sidan juni har Statnett sitt arbeidet på Ørskog–Fardal-lina i Myklebustdalen. Statnett har gått til Namsmannen for å få tilgang til Myklebustdalen.

– Rettsavgjerda i Gulating lagmannsrett om Myklebustdalen er og bindande for namsmannen. Det seier Magne Revheim som er advokat for grunneigarane i saka mot Statnett.

• LES OGSÅ: Namsmannen må ta avgjerd i Myklebustdalen
• LES OGSÅ: Statnett har ikkje teke stilling til om dei vil anke – store mengder arbeid er lagt i grus

– Grunneigarane sitt standpunkt er at det ikkje er noko nytt i saka, det er det same gamle vedtaket som er sendt til namsmannen. Når saka er rettskraftig avgjort i lagmannsretten, så kan ikkje namsmannen ta sak til ny handsaming.

– Det kan eg ikkje kommentere, det får vente til vi har fått halde tvangsforetning. Det seier namsmann Hans Rune Strandos

• LES OGSÅ: Mellom 75 og 100 millionar kan vere bortkasta
• LES OGSÅ: Statnett ankar ikkje lagmannsretten sin dom – vil starte opp att arbeidet snarast

Villege til å møte Statnett

Når Namsmannen blir kopla inn i saka er det fordi grunneigarane og Statnett ikkje har komme fram til ei avtale om kompensasjon, og at Statnett ønskjer å starte opp arbeidet før ei avtale er klar. Dette kan selskapet ha rett til med argument om at det er i samfunnets interesse.

– Grunneigarane er villege til å møte Statnett dersom dei ynskjer samtalar om saka, seier Revheim.

– Eg har sagt det før og eg gjentar det gjerne at det vil vere fornuftig om partane snakkar med kvarandre. Slike samtalar har det ikkje vore så langt.

Open for dialog

I Statnett seier Kommunikasjonssjef i region vest, Irene Meldal, at dei aller helst ynskjer å oppnå ei minneleg løysing.

– Vi er positive til å møte grunneigarane, og forsøker framleis å få til ein dialog, men dersom ikkje det lukkast så blir det namsmannen.

• LES OGSÅ: Står fast på omstridd kraftline
• LES OGSÅ: NHO-direktør krev kraftlinearbeid sett i gang att

– No er det ein formell prosess som Statnett har sett i gang og den har grunneigarane svart på, på ein formell måte, seier Revheim.

Namsmann tar sikte på å halde tvangsforetning løpet av november. Vedtaket til Namsmannen kan ankast vidare til Namsretten