Russen gjennomførte ei polferd utanom det vanlege

Eit 60-talls russ, med russepresident Ruth Midtbø i spissen, la ut på polferd tysdag ettermiddag.

– Dette går veldig bra, vi kosar oss. Vi gjer det for å markere. Det har alltid vore ein tradisjon å gå frå pol til pol, og i år kan det hende det blir siste gangen, så difor er det ekstra stort i år, seier Midtbø.

– Er det trist at Førde ølutsal kanskje forsvinn?

– Både og. Det blir jo litt trist, men det blir kjekt å sjå øl og slikt i butikkane også, seier Midtbø.

Viktig å ta positive knutar

Ho legg til at polferd på dette viset også genererer knute i russehua. Og nei, det er korkje øl- eller vinkork ein får for ein slik tur.

– Kvikk Lunsj-papir, sjølvsagt, kvitrar Andrine Faleide, som er klar for symbolsk handling på ølpolet.

– Kor opptekne er de av å ta denne typen russeknutar?

– Vi må jo prøve å skape eit litt betre bilete av russen enn det som kanskje har vore til no, så dei positive russeknutane er eg oppteken av å ta, seier Faleide.

(Artikkelen held fram under biletserien)