Over 3200 er så langt stadfesta omkome etter det massive jordskjelvet i Nepal laurdag. For fjellbonden Geir Vetti Luster gjer det ekstra vondt å sjå dei sterke bileta frå landet.
Han kjenner mange som er råka av jordskjelvet.
– Det er heilt frykteleg, men det er tryggande at ingen av dei er drepne eller alvorleg skadde. Det er veldig kjenslevare folk dette, så eg kjenner på kroppen korleis dei lir, seier han.
Berga så vidt livet
Vetti er
. I fleire år har han henta sherpaer frå Nepal til Noreg. Her har dei mellom anna utbetra stiar til Galdhøpiggen og Glittertinden, , Fannaråki og Stoltzetrappene i Bergen.- Les også:
Tre timar etter det første store skjelvet, var Vetti på telefon med kontaktpersonen i Nepal. Allereie då fekk han skildra enorme øydeleggingar i hovudstaden Katmandu.
- Les også: Verda straumar til med hjelp til Nepal
– Han berga så vidt livet og ringde heim til landsbyen i Solokhumbu. Der var det store skadar på bygg, men ingen liv hadde gått tapt, seier Vetti.
Omkom i snøskred
Kontaktpersonen var allereie då kjend med at mange av sherpaene hans hadde forulukka i snøskreda som jordskjelvet utløyste i Mount Everest. Her omkom minst 17 menneske.
– Sherpaene vi nyttar bur hovudsakleg i ein landsby i Solokhumbu, ein dal opp mot Mount Everest. Eg har forsøkt å ringe, men no er telefonsambandet nede. Det skal vere store øydeleggingar, seier han.
- Les også:
- Les også:
8. mai skulle dei første sherpaene komme. Deretter ei pulje 18. og 20. mai. No er det uvisst når dei kjem.
– Eg håpar og trur at dei kjem, men at det blir forseinkingar, seier Vetti.
Hovudflyplassen, som er einaste internasjonale flyplass i Nepal, har vore stengd. Vetti seier han har ein plan-B for å få sherpaene til Noreg, å busse dei til New Delhi i India.
- Les også:
Vetti meiner arbeidet er viktig for sherpaene i den situasjonen dei er i. På ei veke tener dei like mykje som på eitt år i heimlandet.
– Eg skal bidra økonomisk, og det er det mange som vil. Men eg trur det viktigaste bidraget er at dei kjem til Noreg og jobbar. Det er der dei får dei største pengane og eg vil bidra med det som står i mi makt for å få dei hit så raskt som mogleg, avsluttar Vetti.