NRK Sogn og Fjordane har sidan 2001 arbeidd med faktainformasjon om fylket. Det aller meste av stoffet er skrive av Ottar Starheim og Kjell Arvid Stølen, og NRK har halde stoffet oppdatert heilt til no.
NØGD: Distriktsredaktør Kai Aage Pedersen er glad for å sjå at fylkesleksikonet får leve vidare.
Foto: Rune Fossum / NRKHeile leksikonet er no publisert på www.allkunne.no og er gratis tilgjengeleg.
– Vi er svært glade for at fylkesleksikonet lever vidare. Allkunne har leksikon som spesialfelt og vil sikre at dette materialet blir oppdatert og utvikla til beste for publikum, seier distriktsredaktør Kai Aage Pedersen i NRK Sogn og Fjordane i ei pressemelding.
Stolte over tillit
STOLT: Lodve Solholm er styreleiar i Nynorsk kultursentrum.
Foto: Anders Aanes / Ivar Aasen-tunetNRK gir no frå seg materialet for å konsentrere seg om eigne prioriterte oppgåver.
– NRK har gjort framifrå arbeid med fylkesleksikonet. Vi har forplikta oss til å føre vidare den høge kvaliteten på artiklane, og vi er stolte over den tilliten NRK viser oss ved denne overføringa, seier styreleiar Lodve Solholm i Allkunne AS.
– No skal vi oppdatere og vidareutvikle dette rike stoffet, legg han til.
Fylkesleksikonet for Sogn og Fjordane inneheld artiklar om kommunar, bedrifter, stader, personar, historie, næringsliv og kulturliv, organisasjonar og mykje anna.
