Sjukepleiarstudenten Anne Slåtten frå Hjelmeland i Rogaland var berre 22 år gamal då ho 6. juni 2004 vart funnen drepen i eit kratt like ved Førdehuset i Sogn og Fjordane.
- LES OGSÅ:
Familien opplever det som opprivande at privatetterforskar Tor Sandberg no skal .
- Det kom som eit sjokk på oss. Vi er overraska, seier Marta Slåtten, mor til Anne.
(Artikkelen held fram under TV-saka)
- Prøvde å slå oss til ro
Drapet for seks år sidan utløyste den største politietterforskinga i Sogn og Fjordane til då. Etter fire månadar etterforskning, vart Øyfred Henning Standnes pågripen for drapet.
Han har heile tida nekta for drapet, men Fjordane tingrett meinte DNA-bevisa var så sterke at dei dømde til fengsel i 13 år. Ankesak førde ikkje fram verken i lagmannsretten eller høgsterett. I lagmannsretten vart straffa auka til 15 år.
Familien til Anne Slåtten kjende ikkje til at saka blir vurdert på nytt.
- Eg trudde saka var avslutta og at det var sterke nok bevis mot gjerningsmannen. Dei sa det var så sterke bevis på at det var han, at vi prøvde å slå oss til ro med at det var det, seier Slåtten.
(Artikkelen held fram under TV-saka)
- Forferdeleg med ny rettssak
Familien har prøvd å leve vidare etter tapet av Anne og tykkjer det er tøft å sjå saka bli vurdert på nytt.
Sandberg er interessert i opplysningar i saka, fordi han ikkje lit på at politiet har formidla vidare alle opplysningar.
Slåtten seier at ho ikkje har noko grunnlag til å tvile på arbeidet politiet gjorde.
- Vi hadde full tillit til politiet. Vi har aldri vore i tvil om at dei ikkje har gjort noko skikkeleg jobb. Det blir forferdeleg tøft dersom det blir ny rettssak, seier ho.