Frekke tjuvar stal gråstein-benk

Ei steinplate på eitt tonn er sporlaust vekke frå ein benk i Hjelledalen i Stryn.

Benk stolen i Stryn

VEKKE: Her har det også vore ein benk å sitje på. No er steinen vekke frå fundamentet.

Foto: Privat

Tjuveriet blei oppdaga for vel ei veke sidan ved Jøl bru på veg mot Strynefjellet. Det var entreprenøren som har ansvar for vegen, som oppdaga at steinplata var vekke frå benken. No står berre bordet att.

Lang og tung

Byggjeleiar i Statens vegvesen i Nordford, Terje Samuelsen, veit ikkje kva som har skjedd.

– Vi anar ikkje, men benken er i alle fall forsvunne frå fundamentet, seier han.

Det er snakk om ein stor gråstein på minst eitt tonn og som er om lag 2,5 meter lang.

– Dei som har teke den med seg, må ha hatt maskinelt utstyr, seier han.

Tykkjer det er rart

Han forstår ikkje at nokon kan finne på å stele heilt vanleg gråstein. Men saka er ikkje meld til politiet.

– Nei, det har vi ikkje. Det er ingen grunn til det. No satsar vi på å finne ein ny stein som vi kan leggje på plass.

– Kva trur du folk treng ein slik stein til?

– Det anar eg ikkje, rett og slett. Vi har ikkje tidlegare vore utsette for at folk stel norsk gråstein, seier han.

Stal benken i Stryn

LIKE VED VEGEN: Benken og bordet står like ved vegen til Strynefjellet.

Foto: Privat
For unge spelarar, kan møtet med norsk toppfotball vera tøft. Det fekk Peter Aase erfara forrige gong han prøvde seg i sogndaldrakta.
Vik fengsel markerte i dag at det er 150 år sidan dei opna dørene. Men bursdagsgåva fengselssjefen har mest lyst på, let framleis vente på seg.
Det enorme datasenteret i Lefdal gruve i Nordfjord BLIR no bygd. Dei første såkalla server-parkane skal stå klare til neste år. Det er venta at prosjektet vil gje over 100 nye arbeidsplassar.