– 22.45 i går kveld kom entreprenøren for å sjå gjennom maskinparken sin før arbeidsveka, men då viste det seg at det hadde blitt stole elektronisk utstyr frå tre gravemaskiner, seier Wenke Hope, operasjonsleiar i politiet i Sogn og Fjordane.
Maskinene er ubrukelege
Det er ikkje småtteri tjuven eller tjuvane har fått med seg heller. GPS-utstyr til ein samla verdi mellom 700 000 og 800 000 kroner er vekke.
– Det er gjort skadeverk for å koma seg inn i maskinene, alle leidningane til GPS-utstyret er klypte av, seier Hope.
Det er høgteknologisk utstyr som er vekke, men no kan ikkje dei tre gravemaskinene brukast.
– Entreprenøren kan ikkje bruke desse maskinene før dei har fått montert nytt utstyr i dei.
Ønskjer tips
Politiet har førebels ingen aning om kven som har stukke av med utstyret. Politiet har gjort åstadsundersøkingar og etterforskar naturlegvis saka vidare.
– Det var folk på plassen der laurdag og då var alt i orden, so det må ha skjedd natt til søndag. Me har ingen opplysningar om kven som har gjort dette, og me er veldig interesserte i tips om nokon har sett noko i området der frå laurdag ettermiddag til søndag kveld som kan setjast i samband med dette tjuveriet. Det er tre Caterpillar gravemaskiner det er snakk om.