Rune Fossum er frå Molde, fødd i 1974. Han byrja som journalist i NRK Sogn og Fjordane i september 2009. Rune jobbar no som vaktsjef for nettet.
Han har tidlegare jobba i Lindesnes Avis i Mandal og som frilansar for ei rekkje aviser på Sørlandet, før han kom til Firda Media i Førde i 2000. Der jobba han som sportsjournalist på papir og nett i ni år.
Fossum har ein bachelorgrad i journalistikk og statsvitenskap, i tillegg til at han har mellomfag i historie frå Universitetet i Trondheim.
Han har vore tre år i Forsvaret, der han mellom anna var nestkommanderande offiser på Grense Jakobselv grensestasjon ved den norsk-russiske grensa.