Foreldre stod rasvakt for skulebuss

På eit halvt år har fylkesveg 60 vore stengd i fleire dagar på grunn av store ras ved Ugla.

I dag aksjonerte foreldra for ein tryggare veg både for skuleelevar og pendlarar. I haust kjem samferdsleminister Marit Arnstad (Sp) på besøk.

• LES OGSÅ: Stenging skapar trøbbel for hotell
• LES OGSÅ: Har brukt 33.000 liter til å spyle ned digre fjellblokker

– Vi har tre hovudmål. To strakstiltak som går på rassikring og omlegging av det vi lokalt kallar Knarrurda, regelmessig besøk av geolog og at Ugla–Skarstein blir finansiert og utbygd, seier ein av aksjonistane, Olav Rune Haugen.

– Vegrar seg

Då skulebussen gjekk forbi til første skuledag i dag, vart den møtt av aksjonistar i gule vestar ved rasutsette Ugla. Her har store steinmassar dundra i vegen siste tida.

• LES OGSÅ: Stor usikkerheit rundt løyvingar til fylkesvegane i Sogn og Fjordane
• LES OGSÅ: Uvisst når rasstrekning blir sikra

Sist i juli då vegen var stengd i to dagar. Roar Henden kom då til rasstaden berre minuttar etter at steinblokkene hadde rasa ut.

– Eg kjem til å vegra meg for å køyre denne vegbiten her før den blir utbetra. Det er ei stor skam at me sit att med vegstrekningar som har so dårleg standard, sa Henden då.

– Pengane er der

Foreldra fryktar at dei går ein ny haust og vinter i møte med stor rasfare hengande over seg. Vegstrekka forbi rasutsette Ugla skal på sikt leggjast i tunnel. Til den tid er kravet strakstiltak som foreldra meiner skal vere gjort på ei vekes tid. Og pengane meiner dei finnast.

• LES OGSÅ: Ber om ny rasvurdering på fv 60

– Slik eg har forstått det, så er det berre å få det vedteke. Eg forstår det slik at midlane er der, og kostnaden knytt opp mot risikoen 50 skuleborn og 100 pendlarar opplever kvar dag er ubetydeleg, seier Haugen og legg til:

– Kravet er at fylkeskommunen må finne midlane for utbygging i løpet av hausten 2012, slik at ein får starta arbeidet i 2013.

(Artikkelen held fram under TV-saka)

Fryktar fleire ras

Rasområdet er godt synleg frå vegen, og det ligg framleis mykje lausmasse att i fjellsida.

• LES OGSÅ: Frp vil utsetje Olden - Innvik
• LES OGSÅ: Steinar må sprengast vekk

– Her vil det rase igjen, men vi veit ikkje når. Vi må ha tryggleiken no, seier Tanja Hage.

– Engasjementet i Vikane er vesentleg høgare no enn tidlegare. Og no er tolmodet slutt, legg Haugen til.

– Vi har berre eitt mål

Lokalpolitikarane i Stryn har tidlegare sagt nei til finansiere opprustinga av fylkesveg 60 med bompengar .

• LES OGSÅ: Steinblokk rasa ut i vegen

– Det er ulik oppfatning på kor lang tid bompengefinansieringa ville tatt. Den diskusjonen er uansett lagt bak oss. Fylkestinget har vedteke ei prioriteringsliste, der Olden–Innvik er på førsteplass. Vi har berre eitt mål no, å syte for at fylkestinget gjer vedtak i desember som gjer at sluttfinansieringa kjem på plass, seier Haugen.

(Artikkelen held fram under TV-saka)

Ministeren kjem

Lokalpolitikar Jofrid Hestenes (Sp), medlem i formannskapet og kommunestyret, seier det er gjort avtale med samferdsleminister Marit Arnstad.

Ho vil i haust komme til Stryn for å sjå på både Strynefjellsvegen og fylkesveg 60, vegstrekka som for nokre år attende vart kåra til Norges verste veg.

– Vi har håp om at fylket får tilført meir statlege middel. Det må til for at vi skal få fullfinansiert siste delen Skarstein–Ugla, seier Hestenes.

Sekund frå å bli treft

Også i oktober i fjor vart vegen stengd i fleire dagar. Pål Westberg Langrind og kona hans var då berre sekund frå å bli treft av eit steinras.

Ekteparet køyrde like bak ein mjølkebil då store steinblokker dundra i vegen rett framfor dei .

• LES OGSÅ: – Raset har høgde som ein varebil
• LES OGSÅ: Sekund frå å bli treft av steinras

– Eg bremsa det eg kunne og stod der. Først var eg i tvil om eg skulle gå ut eller ikkje. Eg frykta det kunne komme meir anten framfor oss eller bak oss og vart sitjande nokre sekund før eg rygga ut, fortalte Westberg Langrind då.