I innslaget i cupsendinga på NRK1 vart kommentatoren som sat i eit studio i Oslo tilsynelatande i villreie om kva lag som hadde banka Sogndal.
- LES OGSÅ:
Rett nok sa han Florø to gonger, men tre gonger nemnde han Førde, så i sum vart det 3–2 til Førde. Vaktsjef Erik Strand hos NRK Sport avviser at gleppen skuldast manglande geografikunnskapar.
- Her er .
– Det var rein forsnakking under tidspress, forklarer han og beklagar gleppen.
Førde eller Florø?
For den enkelte sjåar kunne det nok vere vanskeleg å henge med på kven Sogndal møtte i cupkampen i Florø. Og kven som slo ut tabelltoaren i eliteserien.
Dette utløyste ein liten kuling av innlegg på Facebook og Twitter i går kveld. Også NRK har fått tilbakemeldingar.
– Det var ganske flaut å høre reporteren fortelje at det var Førde som scora, 3 gonger, skriv ein person i ein e-post til NRK.
– Lykke til Florø
Skulle nokon framleis vere i tvil, så var det altså heimelaget Florø, som i kvalifiseringa slo ut nettopp Førde, som sende Sogndal på hovudet ut av cupen.
Og som no kan bu seg på andrerunde kamp i NM-cupen. Med seg på cupeventyret får dei også lukkeønskingar frå Oslo.
– Vi ynskjer sjølvsagt Florø lukke til vidare i cupen, avsluttar Strand.