Julefeiringa har og ei bakside. Politiet har meldt om fem saker berre dei to siste døgna om vald som skuldast fyll og fest.
Natt til søndag var det først i Sogndal det skjedde. Klokka 02.40 måtte politiet rykkje ut til ei adresse der det hadde vore eit slagsmål.
– Køyrer til legevakta med ein person som blør i ei hand. Lite samarbeidsvillig, og overlaten til helsevesenet, skriv politiet i sin logg.
Klokka 03.35 i natt rykte politiet ut til ein bensinstasjon i Førde sentrum, der det gjekk føre seg eit slagsmål.
– Ein person blir køyrd til legevakta av ambulanse. Politiet på utikk etter gjerningspersonen, skriv politiet.
Også natt til 3. juledag var det ei rekkje valdsepisodar rundt om i fylket som politiet måtte ordne opp i:
- Ein mann slo til ei vakt og skapte uro på ein fest i Naustdal
- Mann i tjueåra tok kvelartak på to 19-åringar i Sogndal sentrum
- Mann i tenåra slo til ein annan tenåring i Sogndal sentrum