Vektløftarane i Tambarskjelvar fekk storfint besøk. - STORFINT BESØK: Latviske Artus Tlsenijks og Wiktors Scherbatis kom med gode råd til Sindre Rørstadbotnen og Vebjørn Varlid. - Foto: Tom Farsund /

STORFINT BESØK: Latviske Artus Tlsenijks og Wiktors Scherbatis kom med gode råd til Sindre Rørstadbotnen og Vebjørn Varlid.

Foto: Tom Farsund

Fekk verdsmeistrar på besøk

Vektløftarane Sindre Rørstadbotnen og Vebjørn Varlid har denne veka fått eksperthjelp frå Latvia.

I ei veke har latviske Artus Tlesnijks og Wiktors Scherbatis delt sine erfaringar med dei to naustdalsløftarane, trenar Gunnar Reiakvam, og Per Hordnes.

Dei to er ikkje nokon kven som helst.

- Artus er truleg verdas desidert beste juniorløftar, uansett klasse. Han støyter mellom anna 215 kilo, seier Reiakvam om juniorverdsmeisteren i vektløfting.

- Veldig motiverande

Med sølv- og bronsemedaljar og fjorårets verdsmeistertittel, er ikkje supertungvektaren Scherbatis (33) nokon kven som helst heller.

- Dette er snakk om verdas beste løftarar. Dei er disiplinerte så det held. Det var veldig motiverande å sjå dei løfte, seier 18-åringen Sindre Rørstadbotnen om treningsveka med dei latviske vektløftarane.

Beste i verda

Løftarane frå Tambarskjelvar var i mai i fjor på tilsvarande opphald i Latvia . Det har gjeve meirsmak.

Vektløftarmiljøet i Latvia, med trenar Eduard Andruskevics i spissen, vert rekna for å vere av dei beste i verda. Noko sunnfjordingane vonar å dra nytte av.

- Vi lærer teknikkar, treningsmetodar og treningsmengder. Den latviske trenaren er mellom dei beste i verda, seier Rørstadbotnen.

12-åring imponerte

Denne veka deltok også Bjørgvin-løftaren Per Hordnes. I tillegg var ei 12 år gamal jente med på turen frå Latvia.

- Ho trenar like mykje som oss, og har truleg den beste teknikken eg har sett. Jenta veg 35 kilo, men tek 70 kilo i knebøy, fortel Rørstadbotnen.

Med unntak av torsdagen, vart det to treningsøkter for dagen. Rørstadbotnen har trena som latviarane det siste året.

- Eg har framleis mykje å lære, men eg merkar at eg vågar å presse meg meir no, seier han og håpar å sjå resultatet under senior-NM om to veker.

Skal perse

- Då skal det persast. Målet er rundt 300 kilo samanlagt, og då må eg opp i 130 kilo i rykk og 170 kilo i støt, seier 18-åringen. Det betyr at persane på 125 kilo i rykk og 161 kilo i støt skal over i historiebøkene. Han meiner det er innan rekkevidde.

- Eg har vore solid på trening i det siste, seier han.

NRK setter pris på at mange bidrar med meninger, erfaringer og synspunkter i kommentarfeltet. Takk for at du begrunner dine meninger og avstår fra personangrep. Innlegg som ikke følger våre regler for deltakelse kan bli slettet.
Rekordstor rovdyrerstatning i Sogn og Fjordane
Barnebarnet til Nikolai Astrup viser for første gang sin private samling av ekte Astrupkunst.
Håpet er at noen vil kjøpe hele samlingen til en av norges største kunstnere slik at de kan bli offentlig for alle.
Tage Nondal sine jærhøns har vunne mange prisar.

Kvar er dette?

Kvar er dette - Foto: Merete Husmo Høidal / NRK
Foto: Merete Husmo Høidal / NRK

Veit du kvar dette er? Du kan vinne Flax-lodd

Høyr sendingane våre

Gro Ravnestad - Foto: Arne Stubhaug / NRK
Foto: Arne Stubhaug / NRK

Høyr alt vi sender - direkte og i opptak

Vestlandsrevyen

Vestlandsrevyen - Foto: Marit Hommedal / Scanpix
Foto: Marit Hommedal / Scanpix

Sjå Vestlandsrevyen her