Allereie like før midnatt fekk politiet melding om høg musikk som var til sjenanse for naboane i eit byggefelt i Førde.
Etter ein telefonrunde fekk lovas lange arm kontakt med dei aktuelle festdeltakarane, som lova å dempe musikken.
Like over midnatt vart ein rusen mann i 50-åra funnen ved ein bensinstasjon i Florø. Meldar fekk ikkje «liv i» mannen, noko som resulterte i at politiet reiste ut og tok hand om mannen. Den overstadig rusa mannen vart dimittert på bustad.
Tysdag kveld hadde Fjærland besøk av rockegruppa Plumbo, men utekonserten førte ikkje til særleg mykje meirarbeid for politiet. Dei kan melde om lite ordensvanskar, men legg til at eit par personar vil bli melde for drikking på offentleg stad.
Nattas aktivitet starta som den byrja i 05-tida, med melding om høg støy frå ein fest i Høyanger. Naboar fekk ikkje sove, men alt ordna seg etter at politiet fekk kontakt med dei aktuelle festdeltakarane.
